Thursday, May 26, 2016

ХРИСТИЙН ЗОВЛОН 24

III.   СУДАЛГААНЫ ХЭСЭГ.
 


Чуулганы нэр: ............................................... 
Нас......        хүйс.........      итгэсэн жил..........

1.  Таныхаар Есүс Христийн зовох шаардлагатай байсны шалтгаан нь юу вэ?
.............................................................................................................................
...........................................................................................................................
2.  Таныхаар Түүний зовлонгийн зорилго нь юу вэ?
...................................................................................................................................
...................................................................................................................................

3.  Дахин амилалтын баярын өмнөх зовлонгийн долоо хоногыг та хэрхэн сахидаг вэ?
а. Мацаг барилт
б. Үүрийн залбирал
в. Махан биеийн дур хүслээс татгалзах
г.Өөр бусад..........................................

4.  Та Христийн загалмайн зовлонг зүрх сэтгэлдээ гүнзгий хүлээн авч мэдэрсэн үү? (хэдэн удаа..........)
а.  Мэдрээгүй
б. Мэдэрсэн
в. Мэдэрсэн ч хүчтэй биш
г. Сайн санахгүй байна

5.  Түүний зовлонг та зүрхэндээ хүлээн авч мэдэрч байсан бол энэ нь таныг болон амьдралыг тань өөрчлөгдөхөөр нөлөөлсөн үү?
а. Нөлөөлсөн (үргэлжилсэн байдлаар)
б. Нөлөөлөөгүй
в. Нөлөөлсөн ч түр зуурынх байсан
г. Бусад..............................................

6.  Та Христийн зовлонг хуваалцаж чаддаг уу?
а.Чаддаг
б. Чаддаггүй
в. Одоогоор чадахгүй байгаа ч хойшид чадах хүсэлтэй байгаа
г. Бусад...................................


Судалгааг арван таван чуулганы тавин итгэгчээс авсан бөгөөд эндээс арван тав нь чуулгандаа ахлагч удирдагч нар байсан.


Судалгааны дүгнэлт:    Судалгаанаас харвал итгэгчид Есүс Христ энэ дэлхийд ямар зорилгын төлөө хүн болж ирсэн, ямар шалтгааны улмаас энэ дэлхийд зовлонтой амьдарч, загалмай дээр цовдлогдсон гэдгийг маш сайн мэддэг нь харагдсан.

Түүгээр ч барахгүй, ЭЗЭН Есүс өөрийнх нь амьдралыг хэрхэн өөрчилж байгааг хүн бүр амьдрал дээрээ мэдэрсэн байна.  Гэвч харамсалтай нь өнөөдөр олон итгэгчид энэхүү загалмайн зовлонгийн утга учрыг нь гүн гүнзгий ойлгож зүрхэндээ аваагүй,  зүгээр л мэдлэг болгоод орхисон юм болов уу?

Тэгээд энэхүү зовлонгийн ачаар л аврагдсан аа, одоо оршин амьдарч буйгаа мэддэггүй, талархалтайгаар болон хүндлэлтэйгээр дурсан санах нь ч ховор байгаа нь харагдсан. Зөвхөн дахин амилалтын баярын үеэр л Христийн зовлонг дурсан санаж, мацаг барин залбирч, махан биеийн хүслүүдээ хязгаарладаг юм байна.

Есүс зөвхөн тэрхэн мөчид л багахан зовсон юм шиг байдалтай амьдардаг. Харин энэхүү бидний буруу амьдарлын хэв маягийг Библи эрс шүүмжилж байна.



IV.   ЭЦЭСИЙН ДҮГНЭЛТ:

Би энэхүү судалгааны дипломын ажлынхаа эцэст, зовлонгийн талаархи ойлголтондоо үндсэн шинэчлэлийг хийсэн. Бие махбодын болон сэтгэлийн зовлон зүдгүүр нь энэ нүгэлт ертөнцийн хамгийн гол үндсэн шинж чанар, өнгө төрх юм. Энэ нь асар өргөн ойлголт ба олон янзын учир шалтгаантай, харагдах байдалтай.

Харин эдгээрийн дундаас Христэд итгэгчдийн зовлон зүдгүүр бол илүү явцуу, нарийн чимхлүүр ойлголт ба тэнгэрлэг утга агуулга болон үр өгөөжийн хувьд тэс ондоо, ялгарах онцлогтой билээ. Бидний зовлонг Библи “Загалмайн зовлон” гэж тодорхойлдог.

Хүн төрөлхтөн нүгэлт хүсэл, гэмт мөн чанарынхаа улмаас, үр өгөөжгүй, утга учиргүй зовлонд шаналдаг. Харин Есүсийн дагалдагчид бид Бурханы Хаанчлалын төлөө, Христийн сайн мэдээний төлөө, нүгэлт дэлхийгээс тусгаар ариун байж, зөвт байдлаа сахин хамгаалахын төлөө, гэмтнүүдийн ухаарч гэмшин аврагдахын төлөөх шаналал (элч Паул “төрөхийн өмнөх өвдөлт”), хавчлага гадуурхал дарамтыг тэнгэрлэгээр даван туулахын төлөөх тэмцэл зэрэг шалтгаантайгаар зовдог нь утга агуулгын хувьд тэс өөр ба үр өгөөж нь мөнхийн ашиг тустай байдаг нь бахархалтай.

Энэ бүгдийг зүрхнийхээ угаас ухаарснаар зовлон бэрхшээлээс шантарч зугтдаг биш, харин нүүр тулан тэмцдэг, даван туулж ялан дийлдэг болох нь бидний зорилго ба тэнгэрлэг Эцэгийн маань хүсэл юм.

                            2015 оны 05-р сарын 20
                                     Улаанбаатар







UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас...

Tuesday, May 10, 2016

ХРИСТИЙН ЗОВЛОН 23

(Иак.5:10-11иш.) Иаков  ХГ-нд гардаг Иовын жишээнээс иш татжээ.   Бурхан Иовыг шалгахын тулд түүнд хэцүү зовлонг зөвшөөрчээ. Тэрээр өөрт байсан бүхнээ алдсан. Эцэст нь эрүүл мэндээ ч алджээ. Хэдийгээр Иов ийм хүнд сорилттой тулгарсан ч Бурханы эсрэг нэг ч удаа гомдоллоогүй. Харин эцэст нь Бурхан  Иовын энэхүү үйлсийг агуугаар ивээсэн. Түүний дээр ЭЗЭНий авчирсан бүхэн нь Бурханы төлөвлөгөө байжээ (Иов 1:1-22, 2:1-10, 42:12-17).

Бурхан бидний сайн сайхны төлөө зовлонг бидэнд зөвшөөрдөг. Бурхан хайр өршөөлөөр дүүрэн Нэгэн тул тэрхүү зовлон шаналлыг ивээл ерөөлөөр дүүргэн өөрчилдөг.

(Евр.12:1-4иш.) Итгэгчид бид ХГ-нд гардаг Бурханы олон хүмүүс зовлон сорилт дүүрэн амьдралаараа өөрсдийн итгэлийг гэрчилснийг уншдаг. Тиймээс бидний амьдрал бүхэлдээ уралдаантай адил, гэж зүйрлэсэн. Уралдаанд гүйгчид нь уралдахад зохистой хувцасыг өмсөхгүй бол өөр төрлийн хувцас саад болдог шиг итгэгч бидний итгэлийн амьдралд саад болох олон зүйлс байдаг.

Эдгээр нь энэ ертөнцийн шалихгүй бас болоогүй нүгэлт, мөн цаашлан түрхэн зуурын таашаал ханамжууд юм. Энэ зүйлсийг амьдралаасаа авч хаяж, бариа уруу урагшлах нь чухал юм. Тэгэхгүй бол бид чигээрээ гүйж чадахгүй. Дэлхийн зүйлс биднийг унагадаг.

Паул “...тэнгэрийн сүр жавхлангийн өчүүхэн хэсгийг хүлээж авсан (2Кор 12:4) бөгөөд Бурханы нигүүлслээр Тэр бүхий л амьдарлынхаа турш гүйсээр, нэгэн өдөр диваажинд очиж, Христтэй нүүр тулан уулзах гэсэн өөрийн баттай шийдвэр дээр төвлөрч байжээ (2Тим 4:8, Илч 2:10, 22:4). 

Энэ бол бидэнд бүгдэд маань шаардлагатай шийдвэр юм. Бидний амьдарлын турш тохиолдох бүхий л төрлийн саад, сорилт, санаа зовнил, эд баялаг, бузар хүсэл зэрэг нь Эзэнд хандсан шийдвэрийг ганхуулах аюул, занал болдог (Марк 4-19, Лук 8:14).

Үүний эсрэг хамгийн хэрэгтэй зүйл бол ардахаа мартаж, ө.х завхарсан ертөнц болон хуучин нүгэлт амьдарлаа (Эх 19:17, 26, Лук 17:32) умартан, Христ доторх эцсийн авралын төлөө зүтгэн тэмүүлэх юм.”

(1Петр 4:1,12,13,16, 5:10) (2Петр 1:5-10, 2:21-24) (Ев12:1-13иш.) Энэ уралдааны гол шалгуур нь энэ ертөнцийн хавчлага зовлон, дарамт бэрхшээлийг тэнгэрлэгээр даван туулах нь юм. Энэ бол энэ ертөнц дэх насан туршийн итгэлийн шалгалт билээ. Уралдаанд тэвчээртэйгээр, өмнөхөө тэвчиж, тууштайгаар гүйх ёстой болдог.

“Еврей номыг бичигч биднийг амьдарлын уралдаанд оролцогчын хувьд Есүсийн замаар замнаж, улмаар Түүний байгаа тэнгэрийн улсын ивээлийг хүртэнэ гэдгээ мэдээсэй гэж хүсэж байгаа” тухай бичсэн байдаг

(Евр13:13иш.) “Иймээс буудлын гадна гарч Түүн уруу очицгооё”  гэсэн нь энэ үеийн Иудейн итгэгчдийн хувьд тэд өөрсдийн хуучин шашин, ёс заншил, хуучин амьдралаа орхих гэсэн утгатай байжээ. “ Хэрэв  хэн нэг нь Миний араас явахыг хүсвэл, тэр хүн өөрийгөө үгүйсгэж, загалмайгаа барьж Намайг дагаг “ (Мк 8:34). Иймд Түүнийг доромжилсон доромжлолыг үүрээд буудлын гадна очих нь итгэгч хүний сонгох зам юм.

Аливаа уралдаанд нэг л хүн түрүүлж тэргүүн байранд ордог бол итгэгчдийн амьдралын уралдаанд түрүүлэгч гэж байдаггүй. Бид бүгдээрээ ялагч байх боломжтой нь энэ тэмцээний онцлог юм. Бидний очих бариа бол Мөнхийн Улс болой.

Үүнд хүрэхийн тулд Есүс уруу хараагаа чиглүүлэх нь чухал. Учир нь Христ бидний итгэлийг эхлүүлсэн бөгөөд бас дуусгагч нь юм. Тэр Өөрөө дараа нь ирэх алдрын төлөө бүхнийг тэвчсэн Нэгэн билээ.

(Фил 3:12иш.) Бид биднийг аварсан Бурханы бүх зорилгыг биелүүлэхийн тулд бариа уруу урагшилдаг. Христ юуны төлөө яах гэж ирсэн, юуны төлөө баригдсан түүнийг л барьж авахын тулд бид бариа уруу урагшилдаг.

(Фил.3:13) “Паул өөрийгөө гүйлтийн тэмцээнд оролцож буй тамирчин гэж төсөөлдөг (Ев12:1). Тэрээр өөрийнх нь амьдралд Христийн өгсөн зорилго буюу  Христтэй төгс нэгдмэл байдал, эцсийн аврал ба үхэгсдээс амьлуулагдах зэрэгт хүрэхийн тулд өөрийн бүх хүчийг дайчлан, хамаг анхаарлаа төвлөрүүлэн чармайж байлаа. Энэ бол Паулын амьдарлын чиг хандлага байсан юм.”[1]

(1Пт 3:17иш.)  Христэд итгэгч бид энэ дэлхий дээр хавчигдан зовох нь гарцаагүй юм. Гэхдээ бид мууг үйлдсэнийхээ төлөө биш харин сайныг үйлдсэнийхээ төлөө зовох нь зохистой юм. Бид мууг үйлдээд зовох тохиолдолд магтаал сайшаал байтугай харин ч ЭЗЭНий Ариун Нэрийг гутаасан гэм нүгэл нэмэх юм. Харин сайныг үйлдээд зовох нь ЭЗЭНийг алдаршуулсан гэрчлэл болох ба Бурханаас сайшаалыг авна.

(1Пт 5:10-11иш.)  Бурхан бол Хайр юм. Тиймд итгэгч бидний амьдралын нөхцөл байдал ямар байгаагаас үл шалтгаалан ЭЗЭН бидэнд хайр нигүүлслээ үзүүлж байдгыг бид үргэлж санах ёстой.
                 
                  Тунхаглал:
--Есүс ЭЗЭН бидэнд зовлон эдэлнэ гэдгийг маань урьдаас сануулсан тул бид итгэлээсээ болж хавчигдаж, зовлон эдэлхэд бэлэн байцгаая.
--Итгэгчид энэ амьдрал дээр зовлон эдлэх нь гарцаагүй тул эрэлхэгээр нүүр тулъяа.
--Зовлон нь янз бүрийн үүрэгтэй бөгөөд зорилготой байдгыг үргэлж саная.
--Бидний зовлон бол цаг зуурын ялихгүй зүйл тул шантрахгүй няцахгүй байцгаая.
--Зовлон дотор оо ч суралцацгааж, ЭЗЭНийг гэрчлэн алдаршуулцгаая.
--Үхэл амьдарлын зааг дээрхи хавчлага дунд ч итгэл ээ сахиж буй Христийн ахан дүүс нараасаа үлгэр аван зоригжицгооё.
--Бидний ЭЗЭН ялсан тул бид ч ялна, гэдэгтээ итгэлтэй байцгаая.
--ЭЗЭН дахин ирж, Өөрийн хаанчлалаа байгуулах үед бидний зовлон эцэс болно.                                                  Халлелүяа....


----------------------------------------------------------------
[1]Томас Хэйл, Шинэ гэрээний хэрэглээний тайлбар толь,  (УБ:МТӨС 2004он),282.







UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/

Friday, April 29, 2016

ХРИСТИЙН ЗОВЛОН 22



2) Загалмайгаа үүрэх нь  ( Итгэгчид христэч зовлонд ямар хандлагатай байх вэ? Христийн зовлон өнөөдрийн итгэгчидтэй хэрхэн яаж холбогдож байна вэ?)

Өнөөгийн итгэгчид зовлонгийн талаар мэдэхгүй байгаа биш мэдэж байгаа. Христ зовсон учраас би ч бас зөвт байдлын төлөө зовох дуудлагатай гэсэн ойлголт байдаггүй биш байдаг. Харин яг тэрхүү зовлон гэж харж, тодорхойлж байгаа зүйлтэйгээ нүүр тулхаараа яагаад, яагаад би ингэж зовох ёстой юм бэ? гэдэг асуултыг Бурханд тавьдаг.

Энэ асуултыг тавих үедээ бид ЭЗЭНий биднийг дуудсан дуудлагыг умартдаг. Бид өөрсдийнхөө зорилго, хараа, бас хэнд итгэдгээ мэддэг. Харин яг тэрхүү мэдэж байгаа зүйлтэйгээ нүүр тулахдаа бидний мэдлэг маань хэрэгжүүлэлт хүртлээ маш урт тэмцэлдээний замыг туулдаг.
Бид “...Өөрийн тэргүүн ба Эзэнийг ялангуяа зовлон, ад үзэгдсэн байдлыг дагаж байхаар дуудагдсан...”[1]

(Фил 1:29иш.) Элч Паул захидалдаа өөрийнх нь шоронд орсон явдалд Бурханы агуу зорилго агуулагдаж байгааг филиппойн цуглааныханд баталж, Христэд итгэгчдэд тулгарах зовлонгийн давуу байдлын тухай дурдсан байдаг.
 (Ром 5 –р бүлэгт) Итгэгч бид ч, нийт хүмүүний ертөнц ч эхлэл номон дээрх уналтын үр дүнгийн зовлонг эдэлдэг.
“Бүх хүн төрөлхтөн энэ дэлхийд мэндлэхдээ нүгэл ба бузар мууд бэлэн төрдөг болсон.”[2]
Гэхдээ Христчидийн эдэлдэг, даван туулдаг хавчлага зовлон, асуудал бэрхшээлийн утга агуулга, үр дагавар, өгөөж ашиг нь тэс өөр тэнгэрлэг мөн чанартай болох талаар өмнө нь хэлсэн. 

Бид Загалмайн Авралд итгээд Христийнх болсон. Есүсийн цус бидний судсаар урсдаг. Бид Христийн дагалдагч л юм бол Түүн шиг амьдрах хэрэгтэй. “Ариун байхаар зориглон өөрийн удмын баталгааг өгч чадахгүй л юм бол чи, Хааны цус судсаар минь гүйж байгаа гэж бүү хэл ” (Гурналл) гэж хэлсэн байдаг. Паул зовлонг Христийн доторх бидний авралаар ирдэг ивээл ерөөлийн нэг хэмээн тодорхойлсон байдаг.           
            “Христ ямар ч ялгаварлалгүйгээр бидний нүглийн төлөө үхсэн.”[3]

“Бурхан Христитгэлт хүмүүсийг улам бүр өсөн нэмэгдэх зөвт амьдарлын замаар дэвшин урагшлаасай гэж хүсдэг... ”[4]


“Чуулганыг Эзэнийхээ дүр төрхтэй улам илүү адил болгох, дэлхий дээр чуулганы гэрчлэлийг илүү бүрэн дүүрэн байлгах зорилгоо биелүүлэхийн тулд Бурхан нийтээрээ болон ганц нэгээрээ амсах зовлонг аль алийг нь ашигладаг.”[5]

 (1Петр3:17, 18) Бид энэ ертөнцөд хавчлага зовлон, дайралт доромжлолтой нүүр тулах нь зайлшгүй. Христийн дагалдагч нар бүр анхнаасаа л Түүний үхэлд онцгой ач холбогдол өгч байсныг Есүсийн дагалдагчдын амьдрал, үйлсээс харж болно.

Загалмай нь Ромчуудын хувьд цаазаар авах ялыг гүйцэтгэх арга байсан. Гэмт хэрэгтэнг босоо модон дээр амьдаар нь өлгөж, гарыг нь хөндлөн модон дээр уяж, хадаасаар хаддаг байсан. тэгээд гэмт хэрэгтэн аажмаар зовж, тарчлан үхдэг байлаа. Гэмт хэрэгтэн ийм байдлаар үхдэг төдийгүй, бас цаазаар авах газар уруу загалмайгаа үүрэн явдаг байжээ. 

Тиймээс Есүс дагалдагчиддаа загалмайгаа үүрэн явах ёстой гэж хэлэх үед тэд Түүний төлөө зовлон эдэлж, үхэхэд бэлэн байх ёстой юм байна, гэдэгийг шууд ойлгож байсан. Өөрөөр хэлбэл “загалмайгаа үүрэх ёстой” гэдэг нь шууд л буруутгагдан, хавчигдан үхэх сонголт хийхийг шаардаж буйг тэр үеийнхэн ямарч хоёрдмол санаагүй ойлгож мэдэж байсан.  

Тиймээс ч Шинэ Гэрээ нь, тэр чигээрээ итгэлийнхээ төлөө хавчлага зовлон эдлэхэд бэлэн байх, асуудал бэрхшээлийг хүлцэн тэвчих, Христ адил даван туулахыг ятгадаг. Христийг үнэнчээр дагадаг бүхэнд зовлон хавчлага ирэх болно (Иох5:19, 2Тим 3:12), гэж тэд бичсэн. Харин монгол дахь итгэгчдийн хувьд жинхэнэ утгаараа загалмайн зовлон эдэлж, үхэлд хүртэл хавчлага сорилтонд орж үзээгүй юм.
“Загалмайг үүрэхгүйгээр титмийг авч чадахгүй. Эцэст нь Есүс “..Намайг дага”гэж хэлсэн. Бид өөрсдийнхөө замаар явахаа больж, Есүсийн замаар явж эхлэх ёстой. Есүсийн зам бол зовлонгийн зам, загалмайн зам байсан. Энэ ч бас бидний зам байх ёстой. Христэд итгэгчид ямар нэгэн үзэл баримтлал, гүн ухаан, улс төрийн намыг дагадаггүй, харин Есүс Христийг дагадаг.”[6]

Үл итгэгч болон итгэгч хүмүүсийн хэн хэн нь энэ дэлхий дээр зовлон бэрхшээлийг амсдаг. Гэвч итгэгчдийн хувьд мөнхөд ийм байхгүй. Есүс биднийг энэ ертөнцөд зовно гэдгийг анхааруулж хэлсэн бөгөөд ингэхдээ урамшуулахаа ч мартаагүй. Учир нь Тэр зовлонг ялсан юм (Иох16:33).
“Бид Христийн авралын бүрэн дүүрэн үйлдлээр Түүнтэй нэгдсэн юм бол ирээдүйн ялалтыг ч мөн хуваалцах болно.”[7]

Сорилтыг тэсвэрлэдэг хүн ерөөлтэй еэ. Учир нь тэр соригдчихоод, ЭЗЭНий Өөрийг нь хайрлагсдад амласан амийн титмийг хүлээн авна (Иак. 1:12)

“Гэм нүгэл, бузар муу болон зовлон зүдгүүр нь бидний төлөөх Бурханы анхны төлөвлөгөөний нэг хэсэг байгаагүй төдийгүй тэдгээр нь бидний амьдарлын байнгын онцлог шинж ч байх ёсгүй юм. Эдгээр нь “Бурхан Өөрөө тэдний дунд байж..., Тэр тэдний нүднээс нулимс бүрийг арчина. Тэнд цаашид үхэл байхгүй болно. Тэнд цаашид гашуудах, уйлах, өвдөх гэж үгүй болно (Илч21:3)” гэсэн Бурханы зорилго, төлөвлөгөөний эцсийн үр дүнд саад хийж, халдаж чадахааргүй түр зуурынх юм.”[8]

Юуны түрүүнд итгэгч бид зовлонгийн талаар бодохдоо Христ Эзэн зовлон эдэлж, загалмайлд цовдлогдон, дахин амилснаараа үхлийг ялан дийлсэн гэдгийг санах хэрэгтэй. Бид ирээдүйн найдвар руу харахдаа Есүс хүн байсан бөгөөд амьдрах хугацаандаа зовлон бэрхшээлийг даван туулж, ялалт байгуулж байсан гэдгийг мартаж болохгүй юм. Христ дахин ирэх үед итгэгчдийн хувьд зовлон зүдгүүр эцэс болох болно. Эцэсээ хүртэл тэвчсэн хүн ерөөлтэй.



[1] Брюс Милн “Үнэнийг мэд” (Улаанбаатар хот:МТӨС, 2005он),316.
[2] ДональдС.СтампсБялхамАмь”судлалбибли, УБ: Ариунбичээсбиблийннийгэмлэг, 2004,1917.
[3] Вейн Грудем “Библийн онол сургаал” (Улаанбаатар хот:Библийн сургалтын төв, 2008он),220.
[4] Вейн Грудем “Библийн онол сургаал” (Улаанбаатар хот:Библийн сургалтын төв, 2008он),221.
[5] Брюс Милн “Үнэнийг мэд” (Улаанбаатар хот:МТӨС, 2005он), 317.
[6] Томас Хэйл, Шинэ гэрээний хэрэглээний тайлбар толь,  (УБ:МТӨС 2004он),251.
[7] Брюс Милн “Үнэнийг мэд” (Улаанбаатар хот:МТӨС, 2005он),265.
[8] Брюс Милн “Үнэнийг мэд” (Улаанбаатар хот:МТӨС, 2005он), 107.






UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/

Wednesday, April 20, 2016

ХРИСТИЙН ЗОВЛОН 21



       2) Загалмайгаа үүрэх нь  (Дагалдагчийн зовлон)

Хэрвээ та өмнө тодорхойлж, зааглаж ялгасны дагуу үнэхээр Загалмайн замаар алхаж, үүнийхээ улмаас зовлон бэрхшээлтэй  тулгарч байвал зовлонтойдоо баярла, гэж Библи хэлдэг.  
“Сүнсэн дотроо ядуу хүмүүс ерөөлтэй еэ! Учир нь тэнгэрийн хаанчлал бол тэднийх юм. Гашуудаж буй хүмүүс ерөөлтэй еэ! Учир тэд тайвшрал авах болно... Зөвт байдлын төлөө өлсөж цангагч хүмүүс ерөөлтэй еэ! Учир нь тэд хангалуун болох болно... Зөвт байдлын төлөө хавчигдсан хүмүүс ерөөлтэй еэ! Учир нь тэнгэрийн хаанчлал бол тэднийх юм. Надаас болж та нарыг хүмүүс доромжилж, хавчиж, хуурамчаар та нарын эсрэг зүсэн бүрийн хорон мууг ярихад та нар ерөөлтэй еэ!(Мт.5:3-4, 6, 10-12)           


“Түүгээр ч барахгүй, мөн зовлонтойдоо баярладаг. Учир нь зовлон зүдгүүр нь тэвчээрийг, тэвчээр нь туршлагатай байхыг, туршлагатай байх нь найдварыг төрүүлдэг”(Ром.5:3-4)   

“Хэдийгээр та нар эдүгээ түр зуур шаардлагатай бол элдвийн зовлонг эдэлж байгаа ч гэсэн үүндээ үлэмж баярладаг. Ингэснээр та нарын итгэлийн шалгуур нь галаар тунгаагдах боловч мөхөх алтнаас ч илүү үнэтэй байн, Есүс Христийн илчлэлт дээр магтаал, алдар, хүндэтгэлд хүрэх юм”(1Пт.1:6-7)     


“Харин та нар Христийн зовлонгуудыг хуваалцдагтаа баярла. Ингэснээр мөн Христийн алдар илчлэгдэхэд та нар баяр хөөртэйгээр баярлах юм. Хэрэв та нар Христийн нэрээс болж зүхэгдэвэл ерөөлтэй. Учир нь алдрын ба Бурханы Сүнс та нарын дээр оршдог... Хэрэв Христийнх гэдгээсээ болж зовдог бол бүү ич. Харин энэхүү нэрээрээ Бурханыг алдаршуул” (1Пт.4:13-14 , 16)  


”Та нарын тэсвэрлэдэг бүхий л хавчлага, зовлонгийн дундах тэвчээр болон итгэлийн чинь төлөө бид өөрсдөө Бурханы чуулгануудын дунд та нараар бахархан ярьдаг. Энэ нь та нар Бурханы хаанчлалд зохистой гэж тооцогдохын тулд Бурханы зөв шүүлтийн шинж тэмдэг юм.Бурханы хаанчлалын төлөө ч та нар үнэхээр зовж байгаа билээ” (2Тс.1:4-5), гэснээс харах юм бол бидний зөвт ариун зовлон маань Бурханыг алдаршуулдаг тул бид үүгээр зоригжих юм.    
  
“Учир нь Тэр Өөрөө соригдон зовлон эдэлж байсан  тул сорилтод орогсдод тусалж чадна”(Евр.2:18), гэж Библи биднийг урамшуулдаг. 

“Тийм учраас, ах дүү нар аа, Эзэнийг ирэх хүртэл тэвчээртэй байгтун. Харагтун, тариачин хөрсний үнэт бүтээгдхүүнийг  хүлээдэг. Ингэхдээ тэр эрт ба оройтож орох бороог ортол тэсвэртэйгээр хүлээдэг юм. Та нар ч бас тэвчээртэй бай. Эзэний ирэх ойртсон тул зүрхээ чангал... Ах дүү нар аа, Эзэний нэрээр ярьж байсан эш үзүүлэгчдийг авч, зовлон ба тэвчээрийн жишээ болгогтун. Харагтун, бид тэвчсэнхүмүүсийг ерөөгдсөнд тооцдог. Та нар Иовын тэсвэр тэвчээрийн тухай сонсож, Эзэн эцэст нь юу хийснийг харсан. Яагаад гэвэл Эзэн энэрлээр дүүрэн агаад өршөөнгүй юм” (Иак.5:7-8, 10-11)    


“...бурханлаг хүмүүсийг сорилтоос яаж ангижруулахыг болон зөвт бус хүмүүсийг шүүлтийн өдрийг хүртэл шийтгэлийн дор яаж барьж байхаа Эзэн мэддэг” (2Пт.2:9)


“Эцсийн үед илэрхийлэгдэхэд бэлэн буй, авралын төлөө та нар итгэлээрээ Бурханы хүчээр хамгаалагдсан ажээ. Хэдийгээр та нар эдүгээ түр зуур шаардлагатай бол элдвийн зовлонг эдэлж байгаа ч гэсэн үүндээ үлэмж баярладаг. Ингэснээр та нарын итгэлийн шалгуур нь галаар тунгаагдах боловч мөхөх алтнаас ч илүү үнэтэй байн, Есүс Христийн илчлэлт дээр магтаал, алдар, хүндэтгэлд хүрэх юм. Та нар Түүнийг хараагүй боловч Түүнийг хайрладаг. 
Эдүгээ та нар Түүнийг харахгүй байгаа боловч, Түүнд итгэдэг. Та нар хэлэхийн аргагүй, алдраар дүүрэн баяр хөөрөөр ихэд баярладаг” (2Пт.1:5-8


“Иймээс Христ нэгэнтээ махан биеэрээ зовсон тул та нар ч гэсэн ижил зорилгоор өөрсдийгөө зэвсэглэ...” (1Пт.4:1а)     

“Найдвар дотор баярла, зовлон дотор тэвчээртэй бай, залбиралд өөрсдийгөө зориул” (Ром.12:12), гэж  Библи бидэнд зовлонгоо тэвчиж, баяртай байхыг сургадаг. Гэхдээ энэхүү Библийн шаардлага нь зарим үед хүний бодлоор дүгнэн харахад биелүүлэхэд хэцүү харагддаг ч алдрын Эзэн Бурхантай хамт энэхүү зовлонг тэвчиж гарсанаар Эзэнийг ирэх тэр үед бид Түүнээс алдар хүндэтгэлийг авах юм.

“Гэм нүгэл, бузар муу болон зовлон зүдгүүр нь бидний төлөөх Бурханы анхны төлөвлөгөөний нэг хэсэг байгаагүй төдийгүй тэдгээр нь бидний амьдарлын байнгын онцлог шинж ч байх ёсгүй юм. Эдгээр нь “Бурхан Өөрөө тэдний дунд байж..., Тэр тэдний нүднээс нулимс бүрийг арчина. Тэнд цаашид үхэл байхгүй болно. Тэнд цаашид гашуудах, уйлах, өвдөх гэж үгүй болно (Илч21:3)” гэсэн Бурханы зорилго, төлөвлөгөөний эцсийн үр дүнд саад хийж, халдаж чадахааргүй түр зуурынх юм.”[1]



[1]Брюс Милн “Үнэнийг мэд” (Улаанбаатар хот:МТӨС, 2005он), 107.






UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/